Sambíóin frumsýna nýjusta gamanmyndina frá Vince Vaughn, Delivery Man, á föstudaginn næsta, þann 29. nóvember.
Vaughn leikur aðalhlutverkið, David Wozniak, en leikstjóri og handritshöfundur er Ken Scott. Myndin er endurgerð á myndinni Starbuck, sem var á gerð frönsku og er eftir Scott einnig.
„Hér er á ferðinni sérlega skemmtileg endurgerð á kvikmyndarperlunni Starbuck sem tilnefnd var til sjö Genie-verðlauna og hlaut þrenn, þar á meðal fyrir besta handritið,“ segir í tilkynningu Sambíóanna.
Sjáðu stiklu úr myndinni hér fyrir neðan:
David er á fimmtugsaldri og starfar sem sendill hjá kjötverslun föður síns. David er frekar kærulaus og síðasta konan af mörgum sem hann hefur verið í tygjum við er við það að gefast upp á honum, rétt eins og faðir hans sem vildi óska þess að David færi nú að koma sér eitthvað áfram í lífinu í stað þess að hjakka stöðugt í sama farinu.
Dag einn breytist allt þegar lögfræðingur sæðisbanka kemur til Davids og segir honum að sæði sem hann seldi bankanum fyrir 20 árum hafi fyrir mistök verið notað til að geta 533 börn og að 142 þeirra hafi nú ákveðið að höfða mál fyrir dómstólum þar sem þau krefjast þess að fá að vita hver faðir þeirra er.
Segja má að þessar upplýsingar snúi lífi Davids á hvolf, sérstaklega eftir að hann fær í hendur nafnalista barna sinna og ákveður að kynnast nokkrum þeirra persónulega og ef til vill aðstoða þau á svipaðan hátt og raunverulegur faðir myndi gera …
Aðalhlutverk: Vince Vaughn, Chris Pratt, Cobie Smulders, Britt Robertson, Jack Reynor, Bobby Moynihan og Chris Hernandez
Leikstjórn: Ken Scott
Sýningarstaðir: Sambíóin Álfabakka, Egilshöll, Kringlan, Keflavík og Akureyri, Selfossbíó, Ísafjarðarbíó og Bíóhöllin Akranesi.
Aldurstakmark: 12 ára
Fróðleiksmolar til gamans:
Kvikmyndin Starbuck, sem Delivery Man er gerð eftir, var sérlega skemmtileg kvikmyndarperla sem tilnefnd var til sjö Genie-verðlauna og hlaut þrenn, þar á meðal fyrir besta handritið. Hún var m.a. tilnefnd sem besta kanadíska mynd ársins 2011.
