Nýtt á Kvikmyndir.is: Notendasvæði opnuð aftur, persónulegar tillögur og margt fleira
Kvikmyndir.is hefur tekið stórt skref fram á við. Undanfarna mánuði höfum við unnið hörðum höndum að því að gera síðuna persónulegri, snjallari og skemmtilegri. Hér er yfirlit yfir helstu nýjungarnar.
Notendur geta nú skráð sig inn á ný og fá sitt heimasvæði
Nú getur þú búið til aðgang á Kvikmyndir.is og skráð þig inn. Með aðgangi opnast nýr heimur:
- Mitt svæði – Þín eigin síða þar sem þú sérð yfirlit yfir alla þína virkni, lista, einkunnagjöf, gagnrýni o.fl.
- Langar að sjá – Merktu myndir sem þú vilt sjá. Smelltu á bókamerkið á hvaða mynd sem er til að bæta henni á listann. Við látum þig vita þegar þær eru frumsýndar eða koma á leigurnar.
- „Hef séð„ myndir – Merktu myndir sem þú hefur séð og haltu utan um kvikmyndasögu þína.
- Einkunnir og umsagnir – Gefðu myndum stjörnur og skrifaðu þínar eigin umsagnir eða gagnrýni.
Skráðu þig inn til að njóta þess helsta sem kvikmyndir.is hefur upp á að bjóða.
Fyrir þig – Persónulegar tillögur
Þetta er ef til vill stærsta nýjungin. Þegar þú hefur gefið nokkrum myndum einkunn eða bætt þeim á listana þína, þá byrjum við að mæla með myndum sérstaklega fyrir þig.
Hlutinn „Fyrir þig“ birtist á forsíðunni og byggir á:
- Myndum sem þú hefur gefið háa einkunn
- Myndum á „Langar að sjá“ listanum þínum
- Myndum sem þú hefur merkt sem séðar
Því meira sem þú notar síðuna, því betri verða tillögurnar. Ef þú ert nýr notandi leiðir síðan þig í gegnum stutta kynningu þar sem þú gefur nokkrum myndum einkunn til að koma hlutunum af stað.
Tilkynningar – Myndirnar þínar í bíó
Ef mynd af „Langar að sjá“ listanum þínum kemur í sýningu í íslenskum kvikmyndahúsum færðu tölvupóst sem lætur þig vita. Þannig missir þú aldrei af mynd sem þú hefur beðið eftir.
Faldir gimsteinar
Nýr hluti á síðunni hjálpar þér að finna hátt metnar myndir á streymisveitum eins og Netflix, Disney+, Síminn, Sýn og fleiri — myndir sem þú hefur kannski ekki heyrt um en eru frábærar samkvæmt einkunnum. Ef þú ert innskráð/ur eru myndir sem þú hefur þegar séð sjálfkrafa faldar.
Íslenskar myndir – Í bíó og væntanlegt
„Íslenskar myndir“ á forsíðunni hefur verið endurbætt. Nú sérðu bæði myndir sem eru í sýningu og myndir sem eru væntanlegar í einum samfelldur „slider“, með skýrum merkingum á milli. Þannig er auðvelt að sjá hvað er í boði og hvað er á leiðinni.
Snjöll leit
Leitarvélin í Veituleitinni Kvikmyndir.is styður nú náttúrulega leit á íslensku og ensku. Þú getur leitað að myndum með lýsingum eins og „spennumyndir með Bruce Willis“ eða „rómantískar gamanmyndir frá 9. áratugnum“ og fengið niðurstöður sem passa við leitina þína, knúnar af gervigreind. Athugið að þessu hluti er í „beta“ útgáfu og gæti tekið breytingum á næstunni.
Sjónvarpsþættir
Við höfum bætt við mikið af sjónvarpsþáttum á síðuna. Nú geturðu fundið og skoðað þætti á sama hátt og kvikmyndir, með upplýsingum um þáttaraðir, þætti og hvar þeir eru í boði.
Hraðari og betri upplifun
Bak við tjöldin höfum við unnið mikið í hraða á síðunni.
- Síðan hleðst nú mun hraðar.
- Farsímaútgáfan verið endurbætt mikið
- Veituleitin er orðin mun handhægari í síma
- Fleiri sleðar á forsíðu með meira efni, nýtt og væntanlegt á veitunum, nýtt í bíó, íslenskt efni, nýjar stiklur og margt fleira.
Skráðu þig inn eða búðu til aðgang til að byrja að nýta þér persónulegar tillögur, lista og margt fleira.
Við hlökkum til að heyra hvað þér finnst og við erum alltaf að vinna í nýjum og spennandi uppfærslum.
Allar ábendingar og hugmyndir vel þegnar á kvikmyndir@kvikmyndir.is – Góða skemmtun
Sindri og Doddi á Kvikmyndir.is