Það er eitthvað sérstakt við að sjá myndir eftir kvikmyndaleikstjórann Christopher Nolan á stóra tjaldinu. Þær eru ekki bara bíómyndir heldur má með sönnu kalla þær upplifanir.
Mynd Nolan, Inception, var sýnd fyrr í mánuðinum í Smárabíó en brátt gefst einstakt tækifæri til að sjá tvær aðrar myndir hans á stóra tjaldinu, Interstellar og Óskarsverðlaunamyndina Oppenheimer í 4K, í því sýningarformi sem Nolan hannar kvikmyndir sínar fyrir.
Interstellar: 25. febrúar og 11. mars
Interstellar er að margra mati ein áhrifamesta vísindaskáldsaga síðustu ára. Myndin fylgir hópi könnuða sem ferðast í gegnum ormagöng í leit að nýju heimili fyrir mannkynið, en undir yfirborðinu er þetta djúp og tilfinningarík saga um tíma, fórnir, tengsl og ást. Myndefnið og stórbrotin tónlist Hans Zimmer njóta sín sérstaklega vel í Smárabíó þar sem myndatakan og hljóðheimurinn fá að njóta sín til fulls á stóra tjaldinu. Myndin verður sýnd 25. febrúar og aftur 11. mars. Sýningar fara meðal annars fram í MAX salnum sem býr við Dolby Atmos hljóðkerfi og í glæsilegum nýuppgerðum Lúxussal sem hefur hlotið mikið lof meðal gesta. Myndin er sýnd með íslenskum texta.
Oppenheimer: 4. mars
Oppenheimer hlaut fjölda Óskarsverðlauna og vakti gríðarlega athygli um allan heim þegar hún kom út. Myndin fjallar um J. Robert Oppenheimer og hlutverk hans í þróun atómsprengjunnar í seinni heimsstyrjöldinni og tekst á við siðferðilegar spurningar sem enn þann dag í dag eiga fullt erindi. Cillian Murphy fer með aðalhlutverkið og skilar mögnuðum leik í mynd sem byggir á spennuhlöðnum samtölum, sterkri myndbyggingu og kraftmikilli framvindu sem heldur áhorfendum í spennu frá upphafi til enda. Oppenheimer verður sýnd miðvikudaginn 4. mars í Smárabíó, meðal annars í Lúxussal og í S2.
Bíóupplifun sem skiptir máli
Kvikmyndir Christopher Nolan eru gerðar fyrir bíósalinn þar sem mynd og hljóð vinna saman að öflugri heildarupplifun. Í Smárabíó fara sýningar meðal annars fram í MAX salnum sem er búinn Dolby Atmos hljóðkerfi og skilar kraftmikilli og nákvæmri hljóðupplifun sem hæfir slíkum stórmyndum vel. Fyrir þá sem vilja njóta myndanna í enn meiri þægindum býður Lúxussalurinn upp á glæsilega umgjörð og fyrsta flokks sæti sem gera bíóferðina að sérlega þægilegri upplifun.
Næsta mynd Nolans: Ódysseifur
Næsta mynd Nolans, Ódysseifur, er þegar farin að vekja mikla forvitni og eftirvæntingu. Sérsýningarnar í Smárabíó eru því ekki aðeins tækifæri til að endurupplifa fyrri meistaraverk heldur einnig til að hita upp fyrir það sem koma skal.
