Harrison Ford mun snúa aftur í hlutverki Rick Deckard í framhaldi af hinni sígildu heimsendaástandsmynd Blade Runner frá árinu 1982, eftir Ridley Scott.
Upprunalega myndin var gerð upp úr bók Philip K Dick, Do Androids Dream Of Electric Sheep.
Tökur myndarinnar eiga að hefjast sumarið 2016 og Scott mun verða meðal framleiðenda.
Myndin á að gerast nokkrum áratugum eftir atburði fyrri myndarinnar.
Ekki er enn búið að upplýsa um hver muni leikstýra myndinni.
Ford, sem er 72 ára gamall, hefur mörg járn í eldinum þessi misserin. Hann mun meðal annars koma fram á ný sem Han Solo í næstu Star Wars mynd, Star Wars Episode VII: The Force Awakens, en hún verður frumsýnd í desember.
