Bret McKenzie, sem hefur slegið í gegn sem helmingur gríntvíeykisins í Flight of the Conchords, hefur nælt sér í hlutverk í hinni væntanlegu The Hobbit. Samkvæmt tímaritinu Variety mun McKenzie leika álfinn Lindir, en leikarinn fór með smáhlutverk í fyrstu og þriðju myndunum í The Lord of the Rings þríleiknum.
Þess má til gamans geta að faðir grínistans, Peter McKenzie, lék álfinn Elendil í þríleik Peter Jackson, en tökur á The Hobbit standa nú yfir og er búist við að þeim ljúki eftir rúma 14 mánuði.
