Engin mafía á eftir Vaughn

vaughnKvikmyndaverið Universal Pictures hefur hætt við framleiðslu á glæpa-dramanu Term Life með Vince Vaughn í aðalhlutverki. Vaughn ætlaði sjálfur að framleiða myndina ásamt eiginkonunni Victoria Vaughn.

Nýlegar var tilkynnt að Hailee Steinfeld ætti að leika á móti Vaughn í myndinni, en Vaughn átti að leika mann á flótta undan mafíunni sem vill hann feigan. Hans takmark er það eitt að forðast mafíuna nógu lengi til að líftrygging hans fari að virka þannig að dóttir hans muni fá eitthvað út úr tryggingunum.

Peter Billingsley átti að leikstýra. Ástæða fyrir því að hætt er við er samkvæmt upplýsingum Deadline vefjarins sú að dæmið hafi á endanum ekki verið talið fjárhagslega hagkvæmt, og því ekki fengið grænt ljós.