Drjúgur hópur leikara í Hollywood hefur átt spjall við leikstjórann J.J. Abrams og framleiðendur fyrir sjöundu Star Wars-myndina.
Sá nýjasti sem hefur afhjúpað að hafa átt fund útaf myndinni er hjartaknúsarinn og leikarinn Zac Efron. „Ég fundaði með framleiðendunum. Ég elska Star Wars-myndirnar, svo það væri svalt að vera með, en hver veit?“ sagði Efron við MTV.
Leikarinn góðkunni Gary Oldman hefur einnig bæst í hópinn. „Það var hringt, þú veist, það er ekki búið að semja um neitt en það hefur verið rætt málin,“ er haft eftir Oldman.
Það eru tæp tvö ár í það að myndin verði frumsýnd, því má vænta fleirri frétta af hugsanlegum leikurum og virðast framleiðendur ætla taka sinn tíma í að finna réttu leikarana í hlutverkin.
Star Wars: Episode 7 verður svo frumsýnd þann 18. desember, 2015.