Djúpið, mynd Baltasars Kormáks, var ekki tilnefnt til Óskarsverðlauna nú þegar tilnefningar voru tilkynntar fyrr í dag.
Í samtali við mbl.is segir Baltasar að það sé lítið við þessu að gera, og að þetta verði bara næst eins og hann orðar það í viðtalinu, en Baltasar fylgdist ekki með þegar greint var frá tilnefningunum, en hann fékk að vita skömmu áður að Djúpið væri ekki á meðal tilnefndra mynda.
Djúpið komst á níu mynda stuttlista mynda sem gátu hlotið tilnefningu.
„Þetta er bara eins og þetta er; það er ekkert við þessu að gera,“ sagði Baltasar Kormákur um tilnefningarnar til Óskarsverðlaunanna í ár í samtali við mbl.is
„Maður stjórnar þessu ekki,“ segir Baltasar ennfremur í viðtalinu, en hann er staddur í Bandaríkjunum.
Myndirnar fimm sem eru tilnefndar sem besta erlenda kvikmyndin í ár eru: Amour frá Frakklandi og Austurríki, Kon-Tiki frá Noregi, No frá Síle, A Royal Affair frá Danmörku og War Witch frá Kanada.
Baltasar segir í viðtalinu að þetta hafi verið sterkt ár og þrjár skandinavískar myndir hafi verið tilnefndar í þetta sinn.
