Nýjasta viðbótin við ofurhetjumyndina Ant-Man er leikarinn David Dastmalchian, sem þekktur er fyrir leik sinn í Batman myndinni, The Dark Knight.
Dastmalchian er mörgum enn í fersku minni fyrir leik sinn í hlutverki geðsjúklingsins í The Dark Knight sem Jókerinn, aðal illmenni myndarinnar, fékk til að ráða lögreglustjórann Jim Gordon af dögum, í útför borgarstjórans.
Ekki er greint frá því í frétt Deadline hvaða hlutverk Dastmalchian mun leika í Ant-Man.
Hlutverk Dastmalchian í The Dark Knight var fyrsta kvikmyndahlutverk hans, en síðan þá hefur hann leikið í myndum eins og The Life Before Her Eyes og Prisoners.
Paul Rudd mun leika titilhlutverkið í Ant-Man.
