Cusack og King í samstarf

John Cusack ætlar að leika í nýrri mynd sem verður gerð eftir skáldsögu Stephens King, Cell, eða Gemsinn.

Þetta verður í þriðja sinn sem Cusack leikur í mynd eftir sögu King. Fyrst lék hann í Stand By Me sem kom út 1986 og svo í herbergishrollinum 1408 á móti Samuel L. Jackson.

Samkvæmt Screen Daily er King þegar búinn að skrifa handrit myndarinnar í samstarfi við Adam Alleca sem bjó til handritið að spennutryllinum Last House on the Left.