Sony Pictures Animation kvikmyndverið er með mynd um hina svokölluðu Emoji, eða Broskalla ( tilfinningakalla ) í vinnslu, en nýjasta viðbótin við leikaralið myndarinnar er Deadpool leikarinn drepfyndni T.J. Miller.
Miller mun leika aðalpersónu myndarinnar.
Myndin heitir fullu nafni: EmojiMovie: Express Youself.
Miller talar fyrir Gene, sem er svona „alveg sama“ broskall eða „meh“. Honum er ætlað að haga sér eins og foreldrar sínir, en skrítinn hiksti hefur gefið honum alveg nýjar tjáningarleiðir sem hann ætti að öllu jöfnu ekki að ráða við.
Emoji bíómyndin kemur í bíó 11. ágúst, 2017.
Þangað til þá getum við séð Miller í Steven Spielberg myndinni Ready Player One og í Michael Bay myndinni Transformers 5.
Svo er nokkuð öruggt að hann muni birtast í Deadpool 2 á næstu misserum.
Hér fyrir neðan má sjá áheyrnarprufu T.J. Miller fyrir hlutverkið: