Söngfuglinn með sílíkonið, Britney Spears, mun leika í ónefndri kvikmynd sem fjallar um NASCAR kappakstur. Í henni leikur hún dóttur liðstjóra eins, sem þarf að nota kunnáttu sína, færni og brjóst til þess að fá afar hæfileikaríkan bílstjóra til þess að snúa aftur úr útlegð og vinna kappaksturinn fyrir pabba. NASCAR kappaksturinn mun sýna fulla samvinnu við gerð myndarinnar, og hafa kvikmyndagerðarmennirnir fengið leyfi til þess að nota myndir úr alvöru kappakstri til þess að allt verði sem raunverulegast.
