Á meðan tökum á The Hangover Part II stóð ákváðu leikararnir að bjóða tökuliðinu á klúbb sem bauð upp á nektardansa. Þeir lentu í heldur ósmekklegu atviki, ef marka má Bradley Cooper, einn aðalleikara myndarinnar.
„Bangkok er þekkt fyrir þessa staði þar sem konur geta gert ýmislegt með kynfærum sínum sem maður myndi ekki halda að þær gætu gert. Það var ein stelpa sem gat skotið ping-pong kúlu úr sér á ansi miklum hraða.“ sagði Cooper, en honum datt í hug að láta leikstjórann, Todd Phillips, taka mynd af sér reyna að grípa eina slíka kúlu…með munninum.
„Hún fór beint upp í mig. Allir á staðnum byrjuðu að rétta mér sótthreinsandi og Ed Helms fór út í horn að æla. Þetta var mjög eftirminnilegt.“
