Gamlir Star Wars leikarar dúkka nú upp í fréttum nær daglega eftir að fréttir bárust af kaupum Disney á Lucasfilm, og tilkynningu um gerð þriggja nýrra Star Wars mynda.
Nú um helgina komst leikarinn sem lék Boba Fett í Star Wars myndinni Attack of the Clones í fréttirnar, þegar hann kom eldri hjónum til hjálpar sem höfðu lent í bílslysi.
Hér má sjá mynd af bílflakinu, sem er illa farið.
Leikarinn heitir Daniel Logan og er í dag 25 ára gamall. Logan var að keyra, samkvæmt TMZ fréttaveitunni, í Orange County þegar hann sá bíl utan vegar sem lent hafði í óhappi.
Hann fór úr bíl sínum og hjálpaði hjónunum, og ungu barnabarni þeirra. Ekki leið síðan á löngu þar til sjúkrabíll kom og fór með fólkið á sjúkrahús.