Væntanlegt í bíó - Kvikmyndir.is
Væntanlegt í bíó
72 kvikmyndir á leiðinni í íslensk kvikmyndahús
September 2026
6 myndir
Shaun the Sheep: The Beast of Mossy Bottom
Frumsýning 24. sep.Það er hrekkjavökukvöld á Flóamýri, en eftirvæntingin breytist í vonbrigði þegar klunnalegi bóndinn eyðileggur graskersgarðinn. Hrúturinn Hreinn reynir að bjarga málunum með vísindatilraunum, en allt fer úrskeiðis þegar villidýr birtist í skóginum.
Heart of the Beast
Frumsýning 24. sep.Fyrrverandi sérsveitarmaður úr hernum og hundur hans berjast fyrir lífi sínu eftir að hafa lent í skelfilegu flugslysi djúpt í óblíðum óbyggðum Alaska. Tvíeykið þarf að komast yfir hrikalegt landsvæði til að snúa aftur til siðmenningarinnar á meðan það glímir við náttúruöflin og eigin innri djöfla.
Primetime
Frumsýning 24. sep.Árið 2006 ætlar Chris Hansen, þáttastjórnandi To Catch a Predator, sér að skrá sig á spjöld sjónvarpssögunnar.
Adult Supervision
Frumsýning 24. sep.Þrír feður, þrjár dætur og heill her af stjórnlausum unglingum á afskekktri eyju. Skólaferðalagið fer fljótt úr böndunum þegar saklausir leikir breytast í óvænta valdabaráttu- og feðurnir missa tökin ...eða hvað?
Árru
Frumsýning 24. sep.Hreindýrahirðirinn Maia berst fyrir því að vernda ættarlönd sín gegn yfirvofandi námuvinnsluverkefni. Á sama tíma og mótmælin magnast er hún einnig neydd til að horfast í augu við djúpstæð fjölskylduáföll sem hafa legið í dvala. Maia stendur frammi fyrir erfiðri ákvörðun ...
The Moment
Frumsýning 26. sep.Ung poppstjarna á hraðri leið á toppinn undirbýr fyrstu tónleikaferð sína um heiminn. Á sama tíma glímir hún við pressuna sem fylgir frægðinni og kröfur tónlistarbransans. Náin og kraftmikil mynd um augnablikið þegar jaðarmenning ryður sér til rúms og verður að poppmenningu.
Október 2026
20 myndir
Digger
Frumsýning 1. okt.Valdamesti maður í heimi leggur upp í örvæntingarfullan leiðangur til að sanna að hann sé frelsari mannkyns áður en hörmungarnar sem hann leysti úr læðingi eyðileggja allt.
Verity
Frumsýning 1. okt.Rithöfundurinn Lowen Ashleigh er í fjárhagskröggum og flytur á afskekkt setur í Crawford til að skrifa bækur undir rithöfundarnafni Verity Crawford. Þegar Lowen finnur það sem virðist vera óhugnanleg sjálfsævisaga Verity glímir hún við óþægilegar og brenglaðar játningar um eiginmann hennar, Jeremy. Henni reynist erfitt að greina skáldskap frá raunveruleika, blekkingu frá aðdráttarafli og tækifæri frá þráhyggju.
Eyríki
Frumsýning 6. okt.Í Grímsey er nyrsta mannabyggð Íslands en eyjan er aðeins 2.5 km á lengd og hefur verið í byggð samfellt í 800 ár. Þegar best lét bjuggu þar 120 manns en nú er framtíð byggðarinnar tvísýn. Skólinn og fiskvinnslan hafa lokað og aðeins í kringum 30 íbúar eru eftir á eyjunni þegar að kirkjan brennur til grunna. Myndin er óður til Grímseyinga og ástar þeirra á eyríkinu Grímsey.
Queen: Hungarian Rhapsody - Live in Budapest '86
Frumsýning 7. okt.Þann 27. júlí 1986 ruddi breska rokksveitin Queen nýjar brautir með því að spila í fyrsta sinn í Ungverjalandi, landi sem enn var undir kommúnískri einræðisstjórn bak við járntjaldið.
The Brink of War
Frumsýning 8. okt.Þegar kalda stríðið stóð sem hæst hittust tveir pólitískir andstæðingar á leiðtogafundi í Höfða í Reykjavík, Ronald Reagan forseti Bandaríkjanna og Mikhail Gorbatsjov aðalritari sovéska kommúnistaflokksins, yfir langa og spennuþrungna helgi til að ákvarða hvort friður eða stríð myndi ríkja í heiminum. Þeir sitja andspænis hvor öðrum og velja að rétta fram sáttarhönd í stað þess að kreppa hnefana – sigur þar sem ótti, ágreiningur, sjálfselska og afleiðingar eru yfirstignar.
Animal Farm
Frumsýning 8. okt.Kaldæðin dæmisaga um byltingu og völd sem rekur hvernig jafnréttishreyfing spillist kerfisbundið. Þegar svínin treysta völd sín er sannleikanum útrýmt, andóf er kramið og búgarðurinn sekkur í vægðarlaust einræði.
Other Mommy
Frumsýning 8. okt.Ung stúlka, fjölskylda hennar og heimili þeirra eru ofsótt af illri veru sem er staðráðin í að búa um sig í henni. En fyrst þarf veran að sannfæra stúlkuna um að hleypa sér inn …
Street Fighter
Frumsýning 15. okt.Bardagamennirnir Ryu og Ken sameinast á ný þegar Chun-Li fær þá til liðs við sig fyrir World Warrior-mótið. Þegar þeir standa frammi fyrir leyndu samsæri verða þeir að takast á við hvorn annan og fortíð sína – eða horfast í augu við tortímingu.
Fatherland
Frumsýning 15. okt.Árið 1949 leggja þýski rithöfundurinn Thomas Mann og dóttir hans Erika upp í ferðalag um Þýskaland í rústum, frá Frankfurt, sem var á valdi Bandaríkjamanna, til Weimar, sem var undir stjórn Sovétmanna.
Whalefall
Frumsýning 15. okt.Kafari í leit að líkamsleifum látins föður síns er gleyptur af 24 metra löngum, 60 tonna búrhval og hefur aðeins klukkustund til að sleppa áður en súrefnið þrýtur.
Fjord
Frumsýning 16. okt.Eftir andlát foreldra Mihai yfirgefa þau Mihai og Lisbeth Gheorghiu allt í Rúmeníu og flytja með börnum sínum í afskekkt þorp í Noregi í von um að byrja nýtt líf í nálægð við fjölskyldu Lisbethar. Þar kynnast þau nágrönnum sínum, Halberg-fjölskyldunni, en hlýja þeirra gefur fyrirheit um nýtt upphaf. En brothættur friðurinn tekur að rakna upp þegar ung dóttir Gheorghiu-hjónanna, Elia, mætir í skólann öll í marblettum.
Forgotten Island
Frumsýning 22. okt.Jo og Raissa eru strandaglópar í dularfullum heimi gleymdu eyjunnar Nakali. Þau uppgötva að eina leiðin heim gæti verið á kostnað ævilangra sameiginlegra minninga.
Clayface
Frumsýning 22. okt.B-mynda leikari sprautar sig með efni og breytir um ham og kemst að því að hann getur endurmótað andlit sitt og líkama og verður að gangandi leirmola. Hann hrellir fólk í Gotham City, ýmist sem illmenni eða bandamaður Batmans.
Ali G: Who Iz I?
Frumsýning 22. okt.Eftir að hafa eytt tuttugu árum í að „tjilla, reykja og ríða“ bregður Ali G í brún þegar hann kemst að því að kærasta hans til langs tíma, Julie, er komin átta mánuði á leið. Hann stendur frammi fyrir því að þurfa að fæða annan munn, drullast á fætur og heldur til Ameríku til að endurheimta fyrri frægð … en lendir fljótlega í andstæðingum sem munu á endanum ógna tilvist hans og barnsins hans.
BTS WORLD TOUR 'ARIRANG' IN BUENOS AIRES: LIVE VIEWING
Frumsýning 25. okt.Fyrsta beina útsendingin frá tónleikurm suður-kóresku hljómsveitarinnar BTS í Suður-Ameríku. Upplifðu BTS WORLD TOUR 'ARIRANG' í kvikmyndahúsum um allan heim, í beinni útsendingu frá Búenos Aíres í Argentínu! Þessir stórkostlegu tónleikar munu færa sprengikraftinn af troðfullum leikvanginum beint á hvíta tjaldið.
Idiots
Frumsýning 29. okt.Þegar tveir vanhæfir kjánar eru ráðnir til að flytja ríkan ungling í meðferð, leysist einfalt verkefni þeirra fljótt upp í hættulega ringulreið.
Bitter Christmas
Frumsýning 29. okt.Á Spáni árið 2025 á frægur kvikmyndaleikstjóri í erfiðleikum með að skrifa handrit að sjálfsævisögulegri kvikmynd sem gerist á Spáni árið 2004. Hún fjallar um misheppnaðan kvikmyndaleikstjóra sem gerist auglýsingaleikstjóri og fær kvíðakast sem neyðir hana til að taka sér frí og heimsækja Kanaríeyjar, þar sem hún hefur vinnu við nýja kvikmynd.
Audition
Frumsýning 30. okt.Kvikmyndin hefst sem lágstemmd ástarsaga en breytist hægt og örugglega í eina alræmdustu martröð japanskrar kvikmyndasögu. Einmana ekkill sviðsetur áheyrnarprufu fyrir kvikmynd til að finna sér nýjan maka þar sem Asami verður á vegi hans.
Iceguys – kvikmyndin
Frumsýning 30. okt.Þegar strákasveitin ICEGUYS villist óvart inn í alþjóðlegu raunveruleikakeppnina Battle of the Boybands, neyðast þeir til að keppa við aðrar strákasveitir til að tryggja sér opnunarpláss á tónleikaferðalagi hinnar goðsagnakenndu Backstreet Boys. En draumurinn reynist flóknari og hættulegri en þeir bjuggust við.
BTS WORLD TOUR 'ARIRANG' IN SÃO PAULO: LIVE VIEWING
Frumsýning 31. okt.Upplifðu BTS WORLD TOUR „ARIRANG“ í kvikmyndahúsum um allan heim, í beinni útsendingu frá São Paulo í Brasilíu! Þessir stórkostlegu tónleikar marka lokakaflann í tónleikaferðalagi suður-kóresku hljómsveitarinnar BTS um Suður-Ameríku. Þeir munu færa sprengikraftinn frá troðfullum leikvanginum í Brasilíu beint á hvíta tjaldið.
Nóvember 2026
13 myndir
The Cat in the Hat
Frumsýning 5. nóv.Kötturinn með höttinn gerir það sem hann gerir best og dreifir gleði til barna á sinn fáránlega, einkennandi og einstaklega ósvífna hátt. Hann flytur þau og áhorfendur í ævintýralega ferð um nýjan heim. Hetjan okkar tekst hér á við sitt erfiðasta verkefni til þessa fyrir S.S.Í.I. (Stofnun fyrir Stöðu Ímyndunarafls og Innblásturs ehf.) til að gleðja Gabby og Sebastian, systkini sem eru nýflutt í bæinn. Kötturinn er þekktur fyrir að ganga of langt og þetta gæti því verið síðasta tækifæri þessa "óreiðuframleiðanda" til að sanna sig... eða missa töfrahattinn sinn!
Gentle Monster
Frumsýning 5. nóv.Þau eru nýflutt í sveitasæluna. En líf píanistans Lucy umturnast þegar eiginmaður hennar er handtekinn, grunaður um hryllilegan glæp. Í kjölfarið neyðist hún til að horfast í augu við sannleikann um manninn sem hún taldi sig þekkja best og endurmeta lífið og ástina upp á nýtt.
Wild Horse Nine
Frumsýning 5. nóv.Skömmu fyrir valdaránið í Síle árið 1973 eru CIA-fulltrúarnir Chris og Lee sendir frá Santíagó til Páskaeyjar af yfirmanni sínum, MJ. Mitt á meðal hinna þekktu styttna á eyjunni glíma þessir gömlu samstarfsfélagar við myrka fortíð sína og samsæri samtímans. Á sama tíma ógnar nýtilkomið samband Chris við tvo uppreisnargjarna stúdenta því ferð allra til þessarar afskekktu paradísar fari úr skorðum.
Archangel
Frumsýning 5. nóv.Vopnakerfisverkfræðingur og fyrrverandi sérsveitarmaður í Grænhúfunum, eða Green Beret, verndar nágranna sína í Wyoming fyrir miskunnarlausu fyrirtæki sem ógnar dreifbýlu samfélagi þeirra.
Godzilla Minus Zero
Frumsýning 6. nóv.Stríðið færði Japan niður á núllpunkt og Godzilla steypti því alla leið í mínus. Tvö ár eru liðin síðan þá og þjóðin hefur háð erfiða baráttu til að ná bata og endurheimta loks daglegt líf sitt. Einmitt þegar mannkyninu tókst að halda í frið sem hart var barist fyrir, skellur á ný ógn sem kremur vonina á augabragði.
How to Rob a Bank
Frumsýning 12. nóv.Hópur bankaræningja með mikla þekkingu á samfélagsmiðlum sendir út myndbönd af djörfum ránum sínum, óafvitandi um að vaxandi vinsældir þeirra á netinu hafa komið þeim í sigti reynds alríkislögreglumanns og snjalls hugbúnaðarverkfræðings. Þrátt fyrir að þetta ólíklega tvíeyki nálgist þá óðfluga, þá þenur glæpahringurinn þolmörkin og leggur allt í sölurnar fyrir metnaðarfyllsta rán sitt til þessa.
Everytime
Frumsýning 12. nóv.Harmleikur þjappar móður, dóttur og unglingsdreng saman. Hið ólíklega tríó glímir við sektarkennd og fyrirgefningu og fer í ferðalag til Tenerife í fjölskyldufrí sem aldrei varð að veruleika. Í sólskininu byrja fortíð og nútíð hljóðlega að skarast.
Ebenezer: A Christmas Carol
Frumsýning 12. nóv.Spennandi draugasaga sem gerist í London á tímum rithöfundarins Charles Dickens. Hún segir frá yfirnáttúrulegu ferðalagi manns sem þarf að horfast í augu við fortíð sína, nútíð og framtíð í baráttu fyrir annarri tilraun til sáluhjálpar.
The Great Beyond
Frumsýning 12. nóv.Höfundur vinsælla fantasíuskáldsagna kemst að því að goðsagnaheimurinn sem hann er þekktur fyrir að hafa skapað er í raun og veru til.
The Hunger Games: Sunrise on the Reaping
Frumsýning 19. nóv.Myndin gerist 24 árum fyrir atburði fyrstu Hungurleikamyndarinnar, og hefst morguninn fyrir fimmtugustu hungurleikana. Meðal keppenda er Haymitch Abernathy þegar hann var ungur maður.
The Last Resort
Frumsýning 19. nóv.Dönsk fjölskylda nýtur lífsins í fríi í sannkallaðri orlofsparadís. En utan við hótelið þeirra blasir önnur veröld við, flóttamannastraumur fólks og átakanlegur veruleiki. En kvöld eitt þegar þau eru nýlega komin keyra þau óvart á ókunnan mann. Þá breytist allt ...
Focker-In-Law
Frumsýning 26. nóv.Ungur maður að nafni Henry, sonur Gregs og Pam Focker, ýtir af stað ringulreið innan fjölskyldunnar þegar hann hyggst giftast mjög ákveðinni konu sem virðist alls ekki henta honum.
Hexed
Frumsýning 26. nóv.Vandræðalegur unglingsstrákur og metnaðarfull móðir hans komast að því að það sem gerir hann óvenjulegan gætu verið töfrakraftar sem eiga eftir að umturna lífi þeirra beggja og opna leynilegan töfraheim.
Desember 2026
6 myndir
Músajól
Frumsýning 3. des.Lítil músafjölskylda skipuleggur rólega jólahátíð í húsinu sem þau búa í fyrir utan borgina, en hátíðahöldin raskast þegar óvænt mannfólk birtist í húsinu. Þegar mýsnar reyna að fela undirbúning sinn bregst mannfólkið við hávaðanum á bak við veggina af hörku. Músajól er stórskemmtileg jólamynd fyrir alla fjölskylduna og er að sjálfsögðu með íslensku tali.
Violent Night 2
Frumsýning 3. des.Framhaldsmyndin af kvikmyndinni frá 2022. Söguþráður óákveðinn.
Andre Rieu's 2026 Christmas Concert Let It Snow
Frumsýning 5. des.Við fögnum undursamlegasta tíma ársins á stóra tjaldinu með jólatónleikum André Rieu – Let It Snow. Þessi stórkostlega sýning er stútfull af hugljúfri jólaklassík, töfrandi völsum og skemmtilegum óvæntum atriðum sem setja bros á andlit allra.Með André Rieu verður hin heimsfræga Johann Strauss-hljómsveit hans, framúrskarandi sópransöngvarar og kraftmikill 120 radda karlakór sem aðstoða hann við að færa áhorfendum sannkallaðan jólaanda. Þessi ógleymanlegi viðburður er tilvalinn fyrir alla fjölskylduna, fullur af tónlist, hlátri og jólagleði. Upplifðu hátíðartöfra jólanna á stóra skjánum með fólkinu sem þú elskar og leyfðu jólasnjónum að umkringja þig. Ljúktu árinu með Let It Snow – aðeins í Smárabíó!
Avengers: Doomsday
Frumsýning 17. des.Ástsælar ofurhetjur úr þremur aðskildum heimum gætu lent í banvænum árekstri og standa frammi fyrir tilvistarógn ólíkri öllu sem þær hafa áður mætt.
Dune: Part Three
Frumsýning 17. des.Sem keisari glímir Paul Atreides við afleiðingar valdatöku sinnar á meðan pólitísk samsæri og heilagt stríð sem teygir sig þvert yfir vetrarbrautina ógna framtíðinni sem aðeins hann getur séð fyrir.
The Angry Birds Movie 3
Frumsýning 26. des.Red stendur frammi fyrir sinni stærstu áskorun til þessa … að lifa af föðurhlutverkið um leið og hann bjargar heiminum.
Janúar 2027
4 myndir
Jumanji: Open World
Frumsýning 1. jan.Hetjurnar okkar hafa áður sloppið úr síbreytilegum frumskógum Jumanji, en í þetta sinn kemur leikurinn til okkar – þegar Jumanji brýst út úr leikjatölvunni og gefur ringulreiðinni lausan tauminn í okkar heimi.
I Play Rocky
Frumsýning 7. jan.Hin rafmagnaða sanna saga um óþekktan leikara með óbifanlega trú á að honum væri ekki aðeins ætlað að skrifa handritið að bíómyndinni Rocky – honum var ætlað að vera Rocky Balboa. Sylvester Stallone er hafnað allsstaðar en leggur allt undir og heldur fast í að leika aðalhlutverkið sjálfur þrátt fyrir að líkurnar virðist vera honum í óhag.
Children of Blood and Bone
Frumsýning 14. jan.Zelie og eldri bróðir hennar, Tzain, mynda bandalag með dóttur konungsins, Amari prinsessu, og syni hans, Inan prinsi, til að berjast gegn grimmilegri stjórn hans.
The Beekeeper 2
Frumsýning 14. jan.Annar hluti í seríunni. Söguþráður óákveðinn.
Febrúar 2027
7 myndir
Ice Age: Boiling Point
Frumsýning 4. feb.Geggjað ævintýri fullt af risaeðlum og hrauni sem leiðir Manny, Sid, Diego, Ellie, Scrat og hjörðina í gegnum ókönnuð svæði hins hættulega Týnda heims.
The Comeback King
Frumsýning 4. feb.Kántrístjarna hrynur af stalli og þarf að bjarga ferlinum sem er í frjálsu falli.
No Good Men
Frumsýning 11. feb.Árið er 2021 í Afganistan rétt áður en Talíbanar komust aftur til valda. Naru, eina kvikmyndatökukonan á aðalsjónvarpsstöðinni í Kabúl, á í erfiðleikum með að halda forræði yfir þriggja ára syni sínum eftir að hafa yfirgefið eiginmann sinn sem hélt stöðugt framhjá henni. Hún er sannfærð um að engir góðir menn séu til í landinu. Það kemur henni því verulega á óvart þegar Qodrat, mikilvægasti blaðamaður Kabúl TV, býður henni tækifæri til frama í starfi. Þegar þau ferðast þvers og kruss um borgina og fjalla um síðustu daga frelsisins kviknar neisti á milli þeirra og Naru fer að efast um eigin sannfæringu: getur verið að það sé í raun til góður maður þarna úti?
Narnia: The Magician's Nephew
Frumsýning 11. feb.Nýja kvikmyndin eftir leikstjórann Gretu Gerwig.
Wife and Dog
Frumsýning 18. feb.Myndin er „endurkoma í litríkan og undirförulan heim breska aðalsins“ og fjallar um hina vægðarlausu græðgi Fairbank-fjölskyldunnar og samstarfsaðila hennar, sem kynda undir svikum og morðum í baráttunni um erfðaröðina.
The Revenge of La Llorona
Frumsýning 25. feb.Ævaforn bölvun syrgjandi móður beinist að fjölskyldu í vanda og neyðir hana til að horfast í augu við sína eigin leyndu fortíð á meðan hún berst fyrir lífi sínu gegn yfirnáttúrulegri reiði hennar.
Lóa - goðsögn vindanna
Frumsýning 25. feb.Þegar lóurnar ákveða að fljúga ekki norður og boða vorið fer fimbulvetur í hönd og snædrottning rís til valda. Ung hugjónarsöm LÓA ákveður að safna saman hópi furðufugla sem leggja á sig stórkostlega hættu í miðju ríkidæmis drottningarinnar til þess að tryggja komu vorsins og þannig bjarga heiminum.
Mars 2027
5 myndir
Gatto
Frumsýning 4. mar.Eftir að hafa flakkað um síkjum þaktar götur borgarinnar í mörg ár, fer svarti kötturinn Neró að efast um að hann hafi lifað réttu lífunum. Hann skuldar glæpaforingja kattasamfélagsins greiða og lendir í klemmu. Neró neyðist til að mynda óvæntan vinskap sem gæti loksins leitt hann að tilgangi sínum – nema Feneyjar verði honum að falli fyrst.
The Thomas Crown Affair
Frumsýning 4. mar.Glæsilegur ævintýramaður telur sig hafa framið hið fullkomna rán, en þarf þá að etja kappi við rannsóknarlögreglukonu tryggingafélags sem svífst einskis til að ná sínum manni.
The Nightingale
Frumsýning 18. mar.Líf tveggja franskra systra tvístrast þegar síðari heimsstyrjöldin hefst.
Not Alone
Frumsýning 24. mar.Á meðan undirbúningur stendur yfir fyrir byltingarkennt geimskot, kviknar óvæntur neisti á milli innhverfs eldflaugavirkja og snjalls geimgrasafræðings – en þá brotlenda þrjár geimverur á flótta heima hjá honum, í leit að fari aftur til stjarnanna.
Godzilla x Kong: Supernova
Frumsýning 24. mar.Sjötta myndin í MonsterVerse-kvikmyndaseríunni. Hér er kafað dýpra í hið viðkvæma samband sambúðar og trausts milli manna og forsögulegra risa. Á sama tíma mun jarðskjálfta-skrímslastormurinn, sem hrundið var af stað með epískum árekstri Godzilla og Kong, tveggja verndara vistfræðilegs jafnvægis jarðar, enn og aftur yfirtaka hvíta tjaldið!
Júlí 2027
3 myndir
Shrek 5
Frumsýning 1. júl.Shrek og fjölskylda hans lenda í ævintýrum í hinu töfrandi konungsríki Lengra, lengra í burtu.
Fake Skating
Frumsýning 15. júl.Æskuvinirnir Dani og Alec hittast á ný í Minnesota. Eftir að hafa lent í vandræðalegum aðstæðum hefja þau gervisamband sem þróast hægt og rólega til að bæta orðspor sitt og komast í gegnum dramað í menntaskóla.
Minecraft 2
Frumsýning 22. júl.Steve og Alex fara enn dýpra inn í Overworld og uppgötva þar ný landsvæði og standa frammi fyrir ferskum áskorunum.
September 2027
2 myndir
The Simpsons Movie 2
Frumsýning 9. sep.Framhald kvikmyndarinnar frá 2007. Söguþráður óákveðinn.
200 Kopavogur
Frumsýning 23. sep.Sagan gerist á sjöunda áratugnum og fjallar um tvo bræður sem eru meðal fyrstu íbúa í nýju úthverfi á Íslandi. Dag einn biður eldri bróðirinn þann yngri um greiða sem mun hafa djúpstæð áhrif á líf þeirra beggja.
