Warner Bros. Pictures gáfu í dag út lokastikluna úr ofurhetjumyndinni Batman v Superman: Dawn of Justice. Í myndinni fara þau Henry Cavill, Ben Affleck, Amy Adams, Laurence Fishburne, Jesse Eisenberg, Gal Gadot, Diane Lane, Jeremy Irons, Holly Hunter, Scoot McNairy og Jason Momoa með helstu hlutverk.
Leikstjóri er Zack Snyder sem síðast gerði Superman myndina Man of Steel, en hér koma saman í fyrsta skipti á hvíta tjaldinu, tvær stærstu ofurhetjur allra tíma.
Bardagi þeirra í myndinni mun breyta þeim til frambúðar. Clark Kent treystir ekki hinum dularfulla grímuklædda sjálfskipaða löggæslumanni, Batman, og Bruce Wayne treystir ekki geimveru sem nærri lagði Metropolis í rúst.
Lex Luthor, sem hatar Superman meira en pestina, gerir sitt í að egna þeim saman.
Myndin kemur í bíó 25. næsta mánaðar.
Sjáðu stikluna hér fyrir neðan og nýtt IMAX plakat þar fyrir neðan:
