Það vita örugglega flestir af þessu í dag, en Pierce Brosnan hefur ákveðið að sleppa að leika njósnara hennar hátignar í enn einni mynd eins og hann hafði ætlað sér að gera áður. “I’ve said all I’ve got to say on the world of James Bond.“ sagði hann í viðtali við Entertainment Weekly. 21. Bond myndin var áætluð að verða frumsýnd í nóvember á næsta ári, en óvitað er hvort sú dagsetning hafi haggast.
Framleiðendur höfðu um tímabil velt sér fyrir Clive Owen, en að lokum var ákveðið að yngja hann og nú er víst sykursæta unglinga-ædol’ið Orlando Bloom búinn að vera sterklega orðaður. Meira að segja er hann sjálfur búinn að segjast taka við hlutverkinu. Grunnhugmyndin er líklega sú að taka Bond – sem er búinn að vera vinsæll í 40 ár rúma – og yngja hann svo að yngri áhorfendur geti fengið eitthvað fyrir sinn snúð, og þetta er væntanlega allt gert í – Já, þið giskuðuð rétt – peningaskyni og græðgi…
