B-myndastjarnan Debbie Rochon var nýlega greind með heilaæxli og þarf að fara í aðgerð til að fjarlægja það. Eftir að það hefur verið fjarlægt ætlar hún að halda uppboð og selja það!
Ég veit að margir eru að hugsa, „hver í fjandanum er Debbie Rochon?“, en sannleikurinn er sá að hún er mjög fræg B-myndaleikkona vestanhafs og hefur leikið í hvorki meira né minna en 145 B-myndum í gegnum tíðina. Fyrir þessi verk sín hefur hún hlotið ansi stóran aðdáendahóp þannig að það er nokkuð víst að æxlið mun seljast á ágætis upphæð.