Aumingja Ísland – fyrsta stikla og plakat!

Fyrsta stikla og plakat er komið út fyrir nýja íslenska heimildarmynd Ara Alexanders Ergis Magnússonar, Aumingja Ísland, Sturlungaöld um aldir alda.  Myndin verður frumsýnd á fimmtudaginn næsta, þann 10. nóvember, í Bíó Paradís.

Þegar bankakerfið á Íslandi hrundi árið 2008 fór Ari Alexander að mynda atburðarrásina og reyna að átta sig á afleiðingunum fyrir íslenskt samfélag. Margt af því sem hrunið velti upp kallaðist á við kvikmynd sem faðir Ara, Magnús Jónsson, hafði gert um Ísland árið 1974 og þegar betur var að gáð má líka sjá hrunið speglast í átökum Sturlungaaldar.

Benedikt Erlingsson leikari og leikstjóri leiðir frásögnina sem sögumaður og um leið og myndin tekur á því sem gerðist hér í útrás og hruni fjallar hún frá víðara sjónarhorni um örlög og sjálfsskilning þjóðarinnar, um vandann við að greina söguna á líðandi stund og um angist kvikmyndagerðarmannsins sem reynir að skilja samfélagið sem hann býr í.

Kíktu á stikluna hér fyrir neðan og plakatið þar fyrir neðan:

 

aumingja