Leikstjórinn knái Ang Lee mun leikstýra kvikmyndinni Brokeback Mountain. Myndin fjallar um tvo unga pilta sem vinna sem kúrekar í Wyoming sumarið 1961. Þeir verða ástfangnir og fjallar myndin um ævilangt ástarsamband þeirra, sorg, ástríður og örlög. Myndin er byggð á smásögu eftir E. Annie Proulx og myndin verður framleidd af Focus Features. Engir leikarar hafa enn verið ráðnir, en nokkuð ljóst þykir að þetta verður næsta mynd Lee.
