Við greindum frá því í gær að Harrison Ford hefur tekið að sér hlutverk í nýjustu myndinni um fréttaþulinn Ron Burgundy (Will Ferrell) og gengið hans.
Ford hefur leikið Han Solo, Indiana Jones og meira að segja forseta Bandaríkjanna. Í Anchorman: The Legend Continues leikur hann goðsagnakenndan fréttaþul.
Ron Burgundy og félagar glíma við minna áhorf og hafa þeir gripið til þess bragðs að bæta við slúðurpakka um Hollywoodstjörnur til að hækka áhorfstölur. Ekki er vitað hvar persóna Ford kemur við sögu í þeim málum.
Það má búast við Will Ferrell, Harrison Ford og félögum í kvikmyndahús í desember 2013.
Hér fyrir neðan má sjá myndir af Ferrell á setti í kunnuglegri múnderingu ásamt Ford.
