JJ Abrams hefur tryggt sér kvikmyndaréttinn að ævisögu hjólreiðakappans fyrrverandi Lance Armstrong.
Samkvæmt Deadline hefur Star Trek-leikstjórinn keypt réttinn ásamt félaga sínum Bryan Burk hjá fyrirtækinu Bad Robot og Paramount Pictures.
Ævisagan, sem enn á eftir að skrifa, kallast Cycle of Lies: The Fall of Lance Armstrong. Höfundurinn verður íþróttablaðamaðurinn Juliet Macur sem starfar hjá New York Times og hefur fylgst með ferli Armstrong í rúman áratug. Útgefandi bókarinnnar verður HarperCollins.
Armstrong viðurkenndi loksins í viðtali við Oprah Winfrey fyrr í vikunni að hafa notað ólögleg lyf á ferli sínum.
