Myndir mánaðarins í október 2026 (ásamt aukaatriðum)

Frumsýndar þessa helgina:

„Digger“ frá Warner Bros. (í dreifingu Samfilm). Kolniðasvart gamandrama um valdamesta mann í heimi. Lengd: 129 mín. Aldurstakmark: 12 ára (Vímuefni, hræðsla og blótsyrði).

„Verity“ frá Amazon MGM (MAX Dreifing á vegum Senu). Kenkyns rithöfundur fær starf hjá kvenkyns metsöluhöfundi sem er með óhreint mjöl í pokahorninu (eða þannig). Lengd: 117 mín. Aldurstakmark: 12 ára (Ofbeldi, kynlíf, hræðsla og blótsyrði).

„Coyote Vs. Acme“ frá Ketchup Entertainment (í dreifingu Myndforms). Refnum Wile E. Coyote mistekst alltaf að góma hlauparann Road Runner vegna gallaðra ACME-vara og nýjasta atvikið endar með að Wile E. Coyote fer í mál við ACME-félagið en sú málsókn hefur ákveðnar afleiðingar. Lengd: 103 mín. Aldurstakmark: 6 ára (Hræðsla). Ath.: Sjá íslenska talsetningu hér -fyrir áhugasama.

Frumsýnd 4. október:

„Pési Prakkari“ frá Tulipop Studios (í dreifingu Samfilm). Hrekkjavaka hjá Tulipop-hópnum sem þarf að finna hinn dularfulla Pésa prakkara og einnig horfnu graskerin. Lengd: 33 mín. Öllum leyfð. Ath.: Sjá íslenska talsetningu hér fyrir áhugasama.

Frumsýndar 8. október:

„The Brink Of War“ frá Angel (í dreifingu Samfilm). Hinn sögulegi og víðfrægi leiðtogafundur á Höfða í Reykjavík þar sem Bandaríkjaforseti og aðalritari sovéska kommúnistaflokksins útkljá málin í eitt skipti fyrir öll um hvað sé fyrir bestu. Lengd: 117 mín. Aldurstakmark: 9 ára (Hræðsla og blótsyrði).

„Animal Farm“ frá Vue Lumière + Angel (MAX Dreifing á vegum Senu). Bylting, völd og einræði einkenna dýralífið í þessum sérstaka bóndabæ. Lengd: 96 mín. Aldurstakmark: 6 ára (Ofbeldi og hræðsla). Ath.: Sjá íslenska talsetningu hjá hljóðveri Stúdíó Sýrlands í Vatnagörðum (eða Myndform í Hafnarfirði).

„Other Mommy“ frá Universal (í dreifingu Myndforms). Heimili inniheldur illa veru sem reynir að búa um sig í ákveðinni manneskju á kvenlega mátann. Lengd: 93 mín. Aldurstakmark: 16 ára (Ofbeldi, hræðsla og blótsyrði).

Frumsýndar 15. október:

„Street Fighter“ frá Paramount (í dreifingu Samfilm). Chun-Li fær bardagamenninga Ken og Ryu til liðs við sig fyrir „Heimsbardagamanna“- mótið og fá þá til að berjast við hvorn annan og losna þannig við fortíðardrauganna vegna samsæris innan mótsins. Lengd: 125 mín. Aldurstakmark: 12 ára (Ofbeldi, vímuefni, hræðsla og blótsyrði).

„Whalefall“ frá 20th Century Studios (í dreifingu Samfilm). Ákveðinn tryllir um mann sem er gleyptur af hval og hefur klukkustund til að lifa af. Lengd: 106 mín. Aldurstakmark: 12 ára (Hræðsla og blótsyrði).

Frumsýndar 22. október:

„Forgotten Island“ frá DreamWorks Animation (í dreifingu Myndforms). Strandaglópar gleymdu eyjunnar nýta sér ævilangar sameiginlegar minningar til að komast aftur heim. Lengd: 109 mín. Aldurstakmark: 9 ára (Hræðsla). Ath.: Sjá íslenska talsetningu hjá hljóðveri Myndforms í Hafnarfirði.

„Clayface“ frá Warner Bros. + DC Studios (í dreifingu Samfilm). Matt Hagen afmyndast illa í framan og fer í nýstárlega meðferð sem hefur áhrif að raunveruleikaskyn hans og örlög hans verða hryllileg. Lengd: 108 mín. Aldurstakmark: 16 ára (Ofbeldi, hræðsla og blótsyrði).

„Ali G: Who Iz I?“ frá Amazon MGM (MAX Dreifing á vegum Senu). Ali G á von á barni og gerir hvað sem er til að endurheimta fyrri frægð þrátt fyrir nýja óvini sem ógna tilvist hans og barnsins. Lengd: 100 mín. Aldurstakmark: 14 ára (Kynlíf, vímuefni og blótsyrði).

Frumsýnd 30. október:

„Iceguys – Kvikmyndin“ frá Atlavík (í dreifingu Samfilm í samstarfi við Sjónvarp Símans). Íslenska strákasveitin IceGuys hefur fengið grjótharða samkeppni við þýska strákasveit um opnunarpláss á tónleikaferðalagi Backstreet Boys og sú samkeppni virðist mun flóknari og jafnframt hættulegri en búist var við. Lengd: 100 mín. Aldurstakmark: 6 ára (Hræðsla og blótsyrði).

Fleiri væntanlegar kvikmyndir má nánar finna hér fyrir áhugasama.

————————

Fleiri áhugaverðir punktar í viðbót:

Nú styttist óðum í nýju teiknimyndina um „Köttinn Með Höttinn“ frá Warner-bræðrum og af því tilefni er þetta brot úr myndinni ap neðan frá 2003 (til gamans) sem var talsett á íslensku.

Eins og fram kom fyrr á árinu að þá ljáði Laddi Kettinum með höttinn (Mike Myers) íslensku röddina og Atli Rafn Sigurðarson var Fiskurinn (Sean Hayes).

Samkvæmt þessu hér stendur að sonur Atla Rafns, Sigurbjartur Sturla Atlason (Sturla Atlas) var Konráð og Unnur Sara Eldjárn var Salvör ásamt fleirum.

Í nýju stiklunni hér að neðan (nýju Warner-teiknimyndina) er það Ævar Þór Benediktsson (Ævar Vísindamaður) sem ljær Kettinum með höttinn (Bill Hader) íslensku röddina og Eyþór Ingi Gunnlaugsson er Fiskurinn (Matt Berry). Að auki er svo Steinn Ármann „heitinn“ Magnússon sem ljær yfirmanni Kattarins íslensku röddina.

Nú verður spennandi að sjá hvernig íslenska talsetningin á „Kötturinn Með Höttinn“ frá Warner-bræðrum mun svo líta út í nóvember.