Fyrsta stiklan úr mynd sem margir hafa beðið spenntir eftir, Bridget Jone´s Baby, þriðju myndinni um hina bresku Bridget Jones, í túlkun Renee Zellweger, er komin út, en stiklan var frumsýnd í spjallþætti Ellen DeGeneres fyrr í dag, miðvikudag.
Í myndinni er Bridget enn einhleyp, en er á fullu í ræktinni, vinnur sem framleiðandi í sjónvarpi, og eins og hún orðar það „er í góðu sambandi við sinn fyrrverandi“ ( sem þýðir í raun að hún á vandræðalegt augnablik með Mark Darcy, í túlkun Colin Firth, á barnum ).
Jones er einnig ófrísk, en er ekki alveg viss hver er faðirinn. Það gæti verið Mark, en það gæti einnig verið nýi kærastinn Jack Qwant, sem Patrick Dempsey leikur.
Bridget Jones’s Baby kemur í bíó 16. september nk.
Sjáðu stikluna hér fyrir neðan:
