Sony Pictures hefur birt útgáfuáætlun sína til ársins 2017, en eins og listinn ber með sér er margt hnýsilegt á leiðinni frá kvikmyndafyrirtækinu. Meðal þess helsta eru tvær nýjar Bad Boys myndir, endurgerð á Robin Williams ævintýramyndinni Jumanji, fyrsta myndin í The Dark Tower seríunni, og vísindarómansinn Passengers með þeim Jennifer Lawrence og Chris Pratt í aðalhlutverkum.
Bad Boys 3 verður samkvæmt áætluninni frumsýnd 17. febrúar 2017 og Bad Boys 4 þann 3. júlí 2019. Aðalhlutverkin í fyrstu tveimur myndunum léku þeir Will Smith og Martin Lawrence, en óvíst er enn sem komið er hvort þeir muni mæta til leiks á ný í myndum 3 og 4.
Fyrsta myndin í Stephen King seríunni The Dark Tower mun koma í bíó 13. janúar 2017, en leikstjóri er Nikolaj Arcel.
Passengers kemur síðan 21. desember 2016, en Sony gerir sér vonir um að sú mynd geti orðið verðlaunamynd. Imitation Game leikstjórinn Morten Tyldum leikstýrir.
Hér fyrir neðan er listinn í heild sinni:
Money Monster – 8. apríl 2016
The Shallows – 24. júní 2016
Ghostbusters – 15. júlí 2016
Patient Zero – 2. september 2016
The Magnificent Seven – 23. september 2016
Underworld 5 – 21. október 2016
Passengers – 21. desember 2016
Jumanji – 25. desember 2016
The Dark Tower – 31. janúar 2017
Resident Evil 6 – 27. janúar 2017
Bad Boys 3 – 17. febrúar 2017
Baby Driver – 17. mars 2017
Barbie – 2. júní 2017
Uncharted – 30. júní 2017
The Lamb – 8. desember 2017
Bad Boys 4 – 3. júlí 2019