Mark Wahlberg hefur ákveðið að halda áfram samstarfi sínu við leikstjóra Lone Survivor, Peter Berg, í kvikmyndagerð sjónvarpsþáttanna vinsælu The Six Million Dollar Man, eða Sex milljón dala maðurinn. Myndin mun heita The Six Billion Dollar Man.
Í frétt Deadline segir að Wahlberg muni þar með feta í fótspor aðalleikara þáttanna, Lee Majors, og leika Steve Austin, tilraunaflugmann sem er með rafvædda útlimi og ýmsar ígræðslur, sem gera hann að ofur njósnara ( hljómar eins og Robocop! )
Eins og sést að ofan þá var einum bókstaf skipt út í titlinum, B-illion fyrir M-illion, sem þýðir að græjurnar sem njósnarinn er búinn, hljóta að vera enn magnaðari en í upprunalegu þáttunum.
Tökur eiga að hefjast á næsta ári, og frumsýning er áætluð árið 2016.