Kvikmyndir.is ætlar að gefa fimm heppnum notendum miða fyrir tvo á nýjustu mynd Sylvester Stallone, Bullet to the Head. Til að komast í pottinn þurfa áhugasamir að taka þátt í léttum leik og segja okkur í kommentakerfinu fyrir neðan fréttina, þrjár helstu ástæðurnar fyrir því að elska Stallone sem leikara.
Leiknum lýkur á miðnætti í kvöld, og verður tilkynnt um sigurvegara hér á kvikmyndir.is og á Facebook síðu kvikmyndir.is í fyrramálið. Miðar verða svo sendir til heppinna þátttakenda í pósti.
Bullet to the Head fjallar um Jimmy Bobo sem er leigumorðingi sem hefur marga fjöruna sopið á löngum ferli. Hans síðasta verkefni var að losa heiminn við spillta löggu, en það fór ekki vel því að félagi Bobos, Louis, var í kjölfarið myrtur af málaliðanum Keegan, stórhættulegum manni sem kallar ekki allt ömmu sína þegar návígi er annars vegar. Lögreglumaðurinn Taylor Kwon áttar sig á því að það er tenging á milli dauða spilltu löggunnar og Louis og einsetur sér að komast að hinu sanna í málinu, enda virðist málið teygja anga sína inn í viðskiptalíf New Orleans. Hann leitar því Bobo uppi en kemst að því í leiðinni að þeir sem drápu Louis vilja alls ekki að hann sé að skipta sér af þessu. Svo fer að Bobo bjargar Kwon frá bráðum bana og kemur honum til húðflúrarans Lisu sem kann að gera að sárum hans, en Lisa er einnig dóttir Bobos. Eftir að Kwon er búinn að ná sér ákveða hann og Bobo að taka höndum saman gegn sameiginlegum óvini sínum og komast að því hvað sé um að vera og hver það sé í raun sem stendur á bak við allt saman ….
Hverjar eru þrjár helstu ástæðurnar fyrir því að þú elskar Sylvester Stallone sem leikara?