Ewan McGregor hefur ekkert á móti því að endurtaka hlutverk sitt sem Obi-Wan Kenobi í Star Wars:Episode 7 ef Disney hefur samband við hann.
„Ef þeir vilja skal ég með glöðu geði snúa aftur,“ sagði McGregor við Digital Spy.
Skoski leikarinn sást fyrst í hlutverki Obi-Wan Kenobi í Star Wars:Episode 1-The Phantom Menace sem kom út 1999. Alec Guinness fór áður með hlutverk persónunnar í gömlu myndunum.
Disney reiknar með því að Star Wars: Episode 7 komi út árið 2015. George Lucas verður listrænn ráðgjafi við gerð myndarinnar.
