Í síðasta mánuði frumsýndum við nýtt plakat og stiklu fyrir myndina Jack The Giant Slayer, sem hét upphaflega Jack The Giant Killer.
Í stiklunni sáust gríðarleg tröll sem aðahetjan í myndinni þarf að eiga við, en í plakötunum hér að neðan sjáum við þessi tröll í návígi og getum virt fyrir okkur „persónueinkenni“ hvers og eins – það er ekki laust við að þetta minni dálítið á tröllin í Ástarsögu úr fjöllunum eftir Brian Pilkington og Guðrúnu Helgadóttur:
Jack, sá sem um ræðir í titli myndarinnar, er leikinn af Nicholas Hoult, sem hittir hina hugrökku prinsessu Isabelle, leikin af Eleanor Tomlinson, og verður umsvifalaust ástfanginn. Í sameiningu lenda þau í ævintýri sem gæti endað með stríði á milli mannkyns og trölla í ævintýralandi.
