Þriggja vikna toppseta

Þriðju vikuna í röð er Marvel ofurhetjan Doctor Strange á toppi íslenska bíóaðsóknarlistans í myndinni Doctor Strange in the Multiverse of Madness. Yfirburðir myndarinnar eru enn talsverðir en myndin í öðru sæti var með um þrisvar sinnum minni tekjur en toppmyndin.

Þannig komu tæplega tvö þúsund manns að sjá Doctor Strange í bíó um síðustu helgi en rúmlega sjö hundruð sáu japönsku teiknimyndina Jujutsu Kaison 0: The Movie sem situr í öðru sætinu, ný á lista.

Þriðja sætið er, rétt eins og í síðustu viku, í eigu íslensku kvikmyndarinnar Berdreymi en um 330 manns sáu hana um síðustu helgi.

Tvær nýjar myndir til viðbótar eru á listanum. Fireheart, eða Eldhugi, fór beint í fjórða sætið og í sjötta sætinu situr Liam Neeson í myndinni Memory.

Engin mynd er á lista frá Bíó paradís, en bíóið er lokað til 30. júní nk.

Sjáðu aðsóknarlistann í heild sinni hér fyrir neðan: