Marvel Studios tilkynntu formlega á Comic-Con hátíðinni í San Diego í Bandaríkjunum í júlí sl. að nafnið á Avengers 2 myndi verða The Avengers: Age of Ultron.
Tilkynningin var birt í formi stuttrar kitlu í lok kynningar Marvel á hátíðinni.
Núna er kitlan loksins komin á netið. Þó að kitlan innihaldi engin sýnishorn úr myndinni sjálfri, þá heyrast samtöl úr öðrum Marvel myndum, og smá innsýn er gefin í þorparann og hvernig hann mun líta út.
Kíktu á kitluna hér að neðan sem búin var til sérstaklega fyrir Comic-Con.
Leikstjóri The Avengers: Age of Ultron er Joss Whedon. Myndin verður frumsýnd 1. maí 2015 í Bandaríkjunum.