Í dag var tilkynnt um söguþráð næstu myndar Quentin Tarantino, The Hateful Eight, auk þess sem nú er orðið staðfest að Channing Tatum og Demian Bichir muni leika í myndinni.
Myndin gerist 12 árum eftir bandaríska þrælastríðið, og við fylgjumst með hestvagni skrölta í gegnum Wyoming fylki að vetrarlagi. Farþegar vagnsins, mannaveiðarinn John Ruth, sem Kurt Russell leikur, og flóttamaðurinn Daisy Domergue, sem Jennifer Jason Leigh leikur, aka í átt að bænum Red Rock, þar sem Ruth, sem þekkt er á þessum slóðum sem „The Hangman“, á að framfylgja dómi yfir Domergue.
Á leiðinni þá hitta þau tvo ókunnuga menn; Marquis Warren majór, leikinn af Samuel Jackson, en hann er fyrrum hermaður sem er orðinn illræmdur mannaveiðari, og Chris Mannix, sem Walton Goggins leikur, sem er liðhlaupi úr suðurríkjunum, sem segist vera nýr lögreglustjóri bæjarins.
Þau villast í stormi, og leita skjóls í Minnie´s Haberdashery, sem er vegasjoppa við fjallaveg. Þegar þau koma að Minnie´s þá tekur ekki bara eigandinn á móti þeim heldur fjögur ókunnug andlit.
Bob, sem leikinn er af Damien Bichir, sem sér um Minnie´s á meðan hún er í heimsókn hjá móður sinni, er þarna ásamt Oswaldo Mobray, leikinn af Tim Roth, böðli Red Rock, kúrekanum Joe Gage, sem Michael Madsen leikur, og ofurstanum Sanford Smithers, sem Bruce Dern leikur. Þegar stormurinn nær að sjoppunni, þá átta áttmenningarnir sig á því að þeir komast hugsanlega aldrei til Red Rock.
Ekki hefur verið upplýst um hvaða hlutverk Tatum muni leika.
Myndin verður frumsýnd seint á næsta ári, 2015.
