Tvær nýjar myndir hafa birst nú nýverið af Henry Cavill sem Clark Kent og hliðarsjálf hans; Superman. Sú fyrri sýnir Cavill í búningi Clark Kent á tökustað Batman vs. Superman: Dawn of Justice, og sú síðari, sem birtist fyrst á vef bandaríska blaðsins USA Today, sýnir hann í fullum skrúða í Superman búningnum.
Myndin hér fyrir ofan er ekki opinber mynd, en þó mjög líklega nálægt útliti Clark Kent sem við getum vænst að sjá í myndinni þegar hún verður frumsýnd 6. maí 2016.
Hér fyrir neðan er svo myndin af honum í Superman búningnum. Smellið til að sjá stærri mynd:
Hann er ekki mikið breyttur á myndinni frá því eins og við sáum hann í Superman myndinni Man of Steel, nema að hárgreiðslan er kannski aðeins öðruvísi.
Umhverfið er einnig ólíkt því sem var í Man of Steel, og greinilegt að áhrif Gotham, heimaborgar Batman, ráða hér ríkjum.
