Sam Worthington var nýlega handtekinn eftir að hafa lent í átökum á bar.
Avatar-leikarinn er sagður hafa lent í slagsmálum á bar í Atlanta í Bandaríkjunum og á endanum dugði ekkert nema piparúði til að stöðva hann.
Samkvæmt slúðursíðunni TMZ lenti Worthington í rifrildi fyrir utan barinn The Vortex eftir að honum hafði verið neitað um inngöngu vegna ölvunar og fyrir að vera ekki með skilríki á sér.
Worthington, sem er í Atlanta að leika í myndinni Ten á móti sjálfum Arnold Schwarzenegger, var með stæla fyrir utan barinn, ýtti dyraverði og varð þá piparúðanum að bráð.
