Tom Holland, sem tók við sem Spider-Man fyrir mánuði síðan, verður í smáu en knáu feluhlutverki í Captain America: Civil War en tökur á henni standa yfir um þessar mundir. 
Aðdáendur Köngulóarmannsins fá því að sjá hann fyrst í Captain America áður en hann mætir til leiks í nýrri mynd Spider-Man-mynd.
Búið er að taka upp atriðið og hugsanlegt er að nýr búningur Spider-Man muni líta dagsins ljós.
John Francis Daley og Jonathan Goldstein skrifa handritið að nýjustu Spider-Man-myndinni og leikstjóri verður Jon Watts. Hún er væntanleg i bíó sumarið 2017.
Captain America: Civil War er aftur á móti væntanleg í maí á næsta ári.
