Bogamaðurinn Bard stendur andspænis drekanum Smaug á fyrsta opinbera plakatinu úr lokamynd Hobbita-þríleiksins, The Hobbit: The Battle of the Five Armies, en titillinn vísar í hinn mikla bardaga um Erebor úr skáldsögunni góðu eftir J.R.R. Tolkien.
Síðasta myndin, Desolation of Smaug, endaði á þann veginn að Bilbo Baggins og dvergarnir áttu í miklum bardaga við drekann Smaug í Fjallinu Eina, á endanum fór það á þann veg að Smaug flúði fjallið og flaug í átt að Laketown. Plakatið er þá án nokkurs vafa vísun í byrjun lokamyndarinnar sem verður frumsýnd þann 17. desember næstkomandi, en plakatið má sjá hér að neðan.
