Komið er nýtt plakat fyrir teiknimyndina Monsters University sem væntanleg er í bíó næsta sumar.
Á plakatinu er Mike Wazowski í aðalhlutverki í vetrargallanum sínum með skólabækurnar undir hendinni, en það er gamanleikarinn Billy Crystal sem talar fyrir Mike í myndinni.
Myndin fjallar um þá Mike og Sulley, sem John Goodman leikur, og þeirra fyrstu kynni og hvernig þeir leystu úr ágreiningsefnum og urðu síðan bestu vinir.
Leikstjóri er Dan Scanlon, og aðrir sem tala fyrir persónur í myndinni eru m.a. Steve Buscemi, Dave Foley, Julia Sweeney, Joel Murray og Peter Sohn.
Sjáðu kitluna fyrir myndina hér fyrir neðan:
Monsters University verður frumsýnd í Bandaríkjunum 21. júní nk.