Sambíóin Kringlunni verða lokuð tímabundið dagana 15. ágúst til 7. október vegna endurbóta á anddyrinu og rýminu innan þess með breyttum áherslum sem eru í takt við þarfir neytenda. Þetta eru metnaðarfullar framkvæmdir sem ákveðið hefur verið að ráðast í þar sem upplifun bíógesta er höfð að leiðarljósi. Frá þessu er greint á Facebook síðu Sambíóanna í Kringlunni.
Glæsilegt ásýnd
Ásýnd, upplifun og útlit bíósins verður glæsilegt í alla staði að loknum þessum breytingum á rýminu sem var orðið barn síns tíma, eins og segir í færslunni. „Við lofum þó að flytja með okkur sömu góðu og skemmtilegu stemninguna sem ætíð er að finna í Sambíóunum Kringlunni.“
Glænýr lúxussalur
Í desember verður svo glænýr Lúxus VIP salur vígður í Kringlunni sem verður sá allra glæsilegasti á landinu og þótt víðar væri leitað, segir í færslu Sambíóanna. „Nýi Lúxussalurinn verður útbúin fullkomnustu hljóð- og mynd kerfum sem völ er á og sæti salarinns gefa það á tilfinninguna að flogið sé um á bleiku skýi.
Góðir hlutir gerast hægt eins og einhver sagði… en við hjá Sambíóunum erum handviss um að lokum verði þetta allt saman biðarinnar virði.“
Í færslunni segir að Sambíóin séu ævintýralega spennt að fá að bjóða alla velkomna aftur til sín í október. „…. og þökkum ykkur sömuleiðis fyrir skilninginn og þolinmæðina á meðan breytingunum stendur,“ segir að lokum í Facebook færslu Sambíóanna.
Við hjá Kvikmyndir.is getum tekið undir með bíóinu. Við erum gríðarlega spennt fyrir þessum breytingum og verður spennandi að upplifa skemmtilegar bíómyndir í uppfærðum húsakynnum.
