Rocket Man fer í gang í febrúar

Fréttablaðið greinir frá því nú um helgina að tökur á nýjustu mynd Dags Kára Péturssonar, Rocket Man, séu fyrirhugaðar í febrúar nk. og stefnt sé að því að myndin komi í bíó seinni part næsta árs, 2013.

Gunnar Jónsson fyrrum Fóstbróðir, verður í hlutverki rúmlega fertugs manns sem býr enn hjá mömmu sinni og vill helst ekki yfirgefa hreiðrið. Framleiðandi er Blueeyes Productions sem er í eigu Baltasars Kormáks. 

Eins og Fréttablaðið segir þá verður Rocket Man fyrsta mynd Dags Kára á íslensku síðan hann gerði  Nóa albinóa.