Potts á plakati með ónýtan höfuðbúnað

Plakötin úr Iron Man 3 koma nú á færibandi. Um helgina birtum við plakat með illmenninu The Mandarin, sem leikinn er af Ben Kingsley, en nú er komið að því að birta plakat með sjálfri hægri hönd Tony Stark, Pepper Potts, sem leikin er af Gwyneth Paltrow. 

Á plakatinu heldur hún þétt um höfuðbúnað/hjálm Iron Man og búið er að brenna stórt skarð niður eftir öllum hjálminum. Spurning hvert ástand Tony Stark er á þessu augnabliki…

Myndin verður frumsýnd í Bandaríkjunum 3. maí nk.

 

Stikk: