Breski leikarinn Sir Ian McKellen kvaddi samstarfsfólk sitt í dag eftir að hann lauk sinni vinnu við gerð The Hobbit-þríleiksins og í kjölfarið birti Peter Jackson mynd af þeim báðum tárvotum.
„Fyrir nokkrum sekúndum lukum við síðustu kvikmyndatöku með Gandalf. Þetta er endirinn á ótrúlegu ævintýri sem byrjaði árið 1999. Ég er afar sorgmæddur.“
Sir Ian McKellen hefur farið með hlutverk Gandalf í alls sex kvikmyndum og gert það prýðilega. Aðeins tíminn mun leiða það í ljós hvort þetta sé í síðasta skipti sem McKellen bregður sér í galdrafötin. Annars hefur ungi leikarinn James McAvoy lýst yfir áhuga sínum að leika galdrakarlinn ef mynd um hann á yngri árum yrði gerð.
