Baywatch stjarnan og tónlistarmaðurinn David Hasselhoff, sem samkvæmt nýlegum fréttum er væntanlegur til Íslands að halda tónleika, hefur ákveðið að selja húsið sitt.
Húsið er engin smásmíði, eða 2.727 fermetrar að stærð.
Fyrir áhugasama þá er húsið staðsett í San Fernando dalnum í Los Angeles, og því er lýst í sölulýsingu sem „paradís skemmtikraftsins“. Húsið er á 1,5 hektara stórri lóð, og á henni er tennisvöllur, sundlaug, foss og hellir.
Verðmiðinn er 3,8 milljónir Bandaríkjadala, eða tæpar 500 milljónir íslenskra króna.