Ellen Page mun fara með aðalhlutverkið í Lioness, nýrri indí-dramamynd, samkvæmt The Hollywood Reporter.
Hún er byggð á sannsögulegum atburðum og fjallar um Leslie Martz úr bandaríska sjóhernum sem starfaði í Haditha í Írak.
Hún var send til Afganistans sem yfirmaður hóps kvenkyns hermanna sem átti að kynnast afgönskum konum með það að markmiði að þær myndu öðlast aukið sjálfstæði. Á sama tíma átti hópurinn að fá leynilegar upplýsingar hjá konunum um eiginmenn þeirra úr röðum talibana.
Martz, sem býr núna í San Diego, leyndi því á þessum tíma að hún væri samkynhneigð og olli það henni miklu hugarangri.