Owen Wilson, sem skemmtir nú bíógestum í Google-gamanmyndinni The Internship, hefur skrifað undir samning um að leika á móti Jim Carrey í gamanmynd sem ekki hefur enn fengið nafn, en verður leikstýrt af leikstjóra Napoleon Dynamite, Jared Hess.
Myndin verður byggð á upprunalegu handriti eftir Emily Spivey, en handritið fyrir myndina sjálfa skrifa Chris Bowman og Hubbel Palmer.
Framleiðandi er sjálfur Saturday Night Live höfðinginn Lorne Michaels ásamt John Goldwyn.
Myndin segir sögu, sem byggð er á sannsögulegum atburðum, af fúllyndum ökumanni öryggisbifreiðar, sem er sannfærður um að taka mikla áhættu en er heitið öllum lífsins lystisemdum að launum; ást, peningum og hverskonar íburði.
Hann og félagar hans ræna 20 milljónum Bandaríkjadala úr bankahvelfingu, en vitorðsmenn hans svíkja hann umsvifalaust, og hann er skilinn eftir einn á flótta í Mexíkó á meðan félagar hans stunda hið ljúfa líf.
Þetta veldur því að bílstjórinn ákveður að hefna sín á þessum svikulu samstarfsmönnum.