Oblivion í íslensku landslagi – Stiklan er komin

Í gær kom plakatið, en nú er komin stikla fyrir vísindaskáldsöguna Oblivion með Tom Cruise, og má sjá hana hér að neðan. Hluti myndarinnar var tekinn upp hér á Íslandi sl. sumar, eins og glöggt má sjá í stiklunni.

Leikstjóri myndarinnar er Joseph Kosinski sem hefur áður gert Tron Legacy.

Sjáið stikluna hér að neðan:

Myndin gerist í framtíðinni þegar jörðin er orðin óbyggileg. Það sem eftir lifir af mannkyni býr í einskonar skýjaborgum svífandi yfir jörðu. Myndin er gerð eftir skáldsögunni Oblivion og fjallar um hermann sem er sendur til yfirborðs jarðar til að leita uppi og tortíma framandi og óvinveittum lífverum. Njósnafar hans skemmist og hermaðurinn situr einn fastur á jörðinni. Tom Cruise leikur hermanninn sem lendir óvænt í því að rekast á fallega konu á jörðinni og þarf hermaðurinn að meta hvort konan sé raunveruleg manneskja eða dulbúin óvinveitt geimvera, sem honum ber að drepa.

Ásamt Cruise leika í myndinni þau Morgan Freeman, Olga Kurylenko, Andrea Riseborough, Nikolaj Coster-Waldau og Melissa Leo.

Myndin verður frumsýnd 19. apríl í Bandaríkjunum.