Franska gamanmyndin Stóri dagurinn verður frumsýnd á morgun miðvikudag í Smárabíói, Háskólabíói og Borgarbíói, Akureyri.
Þau Mathias og Alexia hafa verið par í talsverðan tíma þegar Mathias álpast út í framhjáhald með konu að nafni Juliette. Þegar Alexia finnur nafnspjaldið hennar í vasa Mathiasar misskilur hún það sem bónorð því á því stendur að Juliette starfi við að skipuleggja brúðkaup … og segir auðvitað „já“.
Stóri dagurinn (Jour J) er ærslafull gamanmynd eins og Frökkum einum er lagið að gera. Misskilningur á misskilning ofan skapar flóknar en bráðfyndnar flækjur sem flækjast enn meira eftir því sem á líður. Mathias pikkfestist í lygavef sínum sem vonlaust er fyrir hann að leysa sig úr nema með slæmum afleiðingum. Hvað gera bændur þá?
Leikstjórn: Reem Kherici
Leikarar: Nicolas Duvauchelle, Julia Piaton, Reem Kherici
Áhugaverðir punktar til gamans:
-Leikstjóri myndarinnar, söguhöfundur og annar handritshöfundur er Reem Kherici sem einnig leikur viðhald Mathiasar, Juliette. Reem hefur notið mikilla vinsælda sem leikkona á undanförnum árum í ýmsum myndum
og sendi sem leikstjóri frá sér aðra gamanmynd árið 2013, Paris à tout prix, sem varð mjög vinsæl í Frakklandi.
-Stóri dagurinn er tekin upp á nokkrum þekktum og um leið fegurstu stöðum Frakklands og þykir kvikmyndatakan í henni afar góð.
Sjáðu plakat og stiklu úr myndinni hér fyrir neðan:
