Todd Philips, leikstjóri The Hangover Part III er búinn að setja glænýjar myndir, sem teknar voru á tökustað myndarinnar, inn á Instagram síðu sína.
Á myndunum sjást þeir Bradley Cooper, Ed Helms og Zach Galifianakis þar sem þeir eru við tökur í miðri eyðimörk, og svo virðist sem dularfullir byssumenn með svínagrímur séu með í för.
Auk þeirra Cooper, Helms og Galifianakis, þá leika þau Justin Bartha, Ken Jeong, Heather Graham, Jeffrey Tambor, Gillian Vigman, Sasha Barrese, Jamie Chung og John Goodman í myndinni.
Það er enn lítið vitað um söguþráð myndarinnar, en opinbert yfirlit sögurþráðarins er eftirfarandi: „Í þetta skiptið er ekkert brúðkaup. Ekkert steggjapartí. Hvað gæti þá farið úrskeiðis, ha ? En þegar gengið fer í ferðalag, þá getur allt gerst.“
Myndin verður frumsýnd þann 24. maí á næsta ári.
