„Við fáum þann heim sem við eigum skilið“ segir á nýjum persónuplakötum sem HBO sjónvarpsstöðin hefur sent frá sér í tilefni af annarri þáttaröð sjónvarpsþáttanna vinsælu True Detective.
Á plakötunum sjáum við aðalleikarana, Colin Farrell, Vince Vaughn, Rachel McAdams og Taylor Kitsch.
Þættirnir verða frumsýndir á HBO sjónvarpsstöðinni 21. júní.
.Colin Farrell er Ray Velcoro, rannsóknarlögreglumaður í iðnaðarborginni Vinci í L.A. sýslu.
Vince Vaughn er Frank Semyon, glæpamaður og frumkvöðull sem á á hættu að glata öllu sem hann hefur unnið sér inn um ævina, á meðan eiginkona hans og helsti samstarfsmaður, glímir við afleiðingar af hans vanda og sín eigin vandamál.
Rachel McAdams er Ani Bezzerides, lögreglukona í Ventura County, sem er oft upp á kant við embættið.
Taylor Kitsch er Paul Woodrugh, fyrrum hermaður og mótorhjólalögga á þjóðveginum í Kaliforníu, sem uppgötvar vettvang glæps, sem setur af stað rannsókn sem þrír hópar löggæslumanna og margir glæpahópar tengjast.
