Ný stikla úr nýjustu kvikmynd leikstjórans Hafsteins Gunnars Sigurðssonar, París Norðursins, var sýnd fyrir skömmu. Myndin segir frá Huga, sem hefur fundið skjól frá flækjum lífsins í litlu, kyrrlátu þorpi úti á landi, sækir AA fundi, lærir portúgölsku og kann ágætlega við sig í fásinninu. Þegar hann fær símhringingu frá föður sínum sem boðar komu sína er hið einfalda líf skyndilega í uppnámi.
Í aðalhlutverkum eru Björn Thors, Helgi Björnsson og Nanna Kristín Magnúsdóttir. Myndin er framleidd af Sindra Páli Kjartanssyni fyrir hönd Kjartansson og Þóri Snæ Sigurjónssyni fyrir hönd Zik Zak Kvikmynda. Handritið að myndinni skrifar Huldar Breiðfjörð. Meðframleiðendur eru Guillaume de Seille, Jacob Jarek, Ditte Milsted, Tobias Munthe og Skúli Fr. Malmquist.
Hér að neðan má sjá stikluna.