Ný ævintýri Hiccup og Toothless – Fyrsta kitlan!

Mynd númer tvö af hinni vel heppnuðu DreamWorks teiknimynd How to Train Your Dragon, er væntanleg á næsta ári, og nú er komin kitla fyrir framhaldið.

how to train your dragon 2

Myndin gerist fimm árum eftir að fyrstu myndinni lauk, og við hittum þá drekann Toothless og hinn unga Hiccup, á nýjan leik, á fleygiferð á flugi um loftin blá.

Sjáðu kitluna hér fyrir neðan:

Þeir sem tala fyrir persónur myndarinnar eru m.a. Jay Baruchel, Gerard Butler, Craig Ferguson, America Ferrera, Jonah Hill, T.J. Miller, Kristen Wiig og Christopher Mintz-Plasse.

Sagan er í meginatriðum á þessa leið: Astrid, Snoutlout og hinir í genginu skora á hvert annað í drekakappflug sem er núna nýjasta og vinsælasta íþróttagreinin á eyjunni.  Þegar ein af flugferðum aðalhetjanna leiðir þá til uppgötvunar á leyni-íshelli, þar sem hundruðir nýrra villtra dreka búa, ásamt hinum dularfulla Dragon Rider, þá þurfa vinirnir tveir, þeir Hiccup og Toothless, nú að taka á honum stóra sínum til að vernda friðinn.  Þeir þurfa núna að leiða hundruði hetjudreka til að verja Dragon Mountain, og berjast gegn her Drago Bloodfist sem samanstendur af dreka vígamönnum ( dragon hunters ) og miskunnarlausum vígvélum.

Myndin kemur í bíó næsta sumar, eða 20. júní 2014, nánar tiltekið.